Circle of security Parenting (COS-P)

COS-P er eit rettleiingsprogram  for foreldre eller andre omsorgspersonar. Rettleiingprogramet kan nyttast både til einskildindivid og til grupper. Pr. no er det berre barneverntenesta som tilbyr dette programmet i Lærdal kommune, men kommunen er i gang med å planlegge for å styrke tilbodet om foreldrerettleiing i kommunen og gjere det meir til eit lågterskeltilbod.

Eit mål med kurset er å gje foreldre/føresette verktøy til å forstå betre kva behov barn har, kva slags singal dei gjev og kva dei kan gjere for å møte desse behova betre.

Tema i kurset er:

• Tryggleikssirkelen
• Å vere saman i tryggleikssirkelen. Barn utviklar seg i samspel med foreldre/føresette.
• Vegen til tryggleik. Den vaksnes tilgengelegheit påverkar barnets måte å formidle kjensler og behov.
• Vanskelege situasjonar – balansen mellom å vere tydeleg og samstundes ein god forelder
• Foreldrenes eigne erfaringar. Nokre gonger har vaksne erfaring frå eige fortid som gjer at reaksjonar i “notid” vert større enn naudsynt. Korleis kan ein best mogleg handtere dette?

COS i barnehage og skule

Nokre tilsette i barnehage og skule har fått opplæring i COS. Dei skal ikkje bruke tryggleikssirkenen til foreldrerettleiing, men systematisk i eiget arbeid. Dei kan også lære opp sine kollegaer slik at alle tilsette i barnehage og skule kjenner til prinsippa i tryggleikssirkelen.