Rettleiings- og konsultasjonsteam

Rettleiings- og konsultasjonsteam er eit tverrfagleg samansett team der ein kan få rettleiing i korleis ein kan hjelpe eit barn eller familien videre

Som ein del av kommunen si satsing på tidleg innsats og betre tverrfagleg samarbeid (BTI) er det oppretta eit rettleiings- og konsultasjonsteam for tilsette i barnehage, skule og andre kommunale tenester (tenester som jobbar med vaksne som er
foreldre/føresette). Dette er eit tilbod som skal hjelpe deg som tilsett i sakar der du ikkje veit kva du skal gjere med ei bekymring eller ein sak du ikkje kjem vidare med. Hensikta er at du som tilsett skal få tverrfagleg rettleiing og støtte.
Aktuelle sakar kan vere anonyme eller med samtykke frå foreldre/føresette. Det er også moglegheit for foreldre/føresette til å vere med på rettleiinga dersom dei ynskjer det. Då ynskjer teamet attendemelding på dette i framkant av møtet.

Samtykkeskjema ligg også under fana verktøy inne på denne nettsida.

Medlemmane i rettleiings- og konsultasjonsteamet er:

• kommunepsykolog
• helsestasjons- og
  skulehelsetenesta
• PPT og barnevernstenesta.
• BUP (er med 4 gonger i året)

Møtedatoar for våren 2025 (det er ikkje avklara kva datoar BUP skal vere med endå): 

27. januar kl. 14.00 – 15.30
17. februar kl. 14.00 – 15.30
17. mars kl. 14.00 – 15.30
19. mai 14.00 – 15.30

Innmelding av sakar: 

Det er ikkje naudsynt å melde inn sak på førehand, men ein lyt sende ein e-post til: Silje.langehaug@laerdal.kommune.no om at ein ynskjer rettleiing frå teamet. Det er naudsynt slik at teamet får strukturert tida si best mogleg og at ein får utdelt eit tidspunkt dersom det er fleire som ynskjer rettleiing på same dag.

Rettleiinga går føre seg etter metoden “Reflekterande team”.