Kva:

• Spør den vaksne om hen har barn under 18 år.
• Spør om barnet har mindreårige søsken
• Spør kva ansvar brukaren har for barnet
  • Foreldreansvar
  • Dagleg omsorg
  • Samværsrett
• Spør etter barnets namn, fødselsdato, bustad, språk og evt. butid i Noreg

Viss brukaren/pasienten har born under 18 år, gå vidare til neste trinn.

Omgrepsavklaring:

Denne retteleiaren omfattar alle som har omsorg for eller bur i saman med mindreårige barn. Det vil seia at bonusforeldre, adoptivforeldre, fosterforeldre osv. også må inkluderast når ein skal følgja opp barn som er pårørande.

Kven:

Alle som gjennom sitt arbeid følgjer opp vaksne brukarar/pasientar som har barn har ansvar for dette

Kva:

Når brukaren har mindreårige barn skal du snakka med brukaren om omsorgssituasjonen til barnet eller ungdommen og avklara denne.

For å avklara omsorgssituasjonen må ein kartlegga om:

• Er foreldra i stand til å hjelpa barnet med problem og belastningar?
• Får barnet nok kjenslemessig støtte, oppfølging og tryggleik ut i frå sin alder og utvikling og den aktuelle situasjonen med sjukdom hjå forelderen?
• Korleis er dagleglivet for barnet organisert og vareteke med omsyn til struktur og rutinar?
• Ved sjukdom, funksjonsnedsettingar eller spesielle behov hjå barnet eller ungdommen, kva er eksisterande hjelpetiltak eller kontakt med hjelpeinstansar?
• Tek dei vaksne ansvar for det praktiske i heimen?
• Tek vaksne evt. omsorgsoppgåver for den sjuke?
• Har barnet roller eller ansvar i heimen eller ovanfor den sjuke som burde vore utført av vaksne?

Kven:

Alle som har vaksne brukarar/pasientar med barn, har ansvar for å gjera denne kartlegginga

Kva:

Når den vaksne brukaren eller pasienten sin tilstand tilseier at barn kan bli usikre, sårbare eller oppleve bekymring, SKAL du undersøka nærare om barnets faktiske behov.

Aktuelle tema:

• Kva har barnet sett og erfart når det gjeld sjukdom hjå forelderen?
• Kor mykje veit og forstår barnet om det som skjer?
• Korleis fungerer barnet i barnehage/skule
• Er barnet mykje trist, sint, bekymra, engsteleg, uroleg?
• Har barnet overskot og moglegheit til å vera med vener?
• Er barnet uvanleg hjelpsom og flink og held eigne behov tilbake?
• Er dei føresette bekymra for barnet?
• Har barnet dagleg støtte i nærmiljøet?
• Er det behov for vidare oppfølging utover det dei føresette kan klare?

Kven:

Alle som har vaksne brukarar/pasientar som har mindreårige barn.

Kva:

Barn som pårørande kan ha behov for følgjande informasjon om forelderen:

• Balansert og aldersadekvat informasjon om tilstanden til den som er sjuk
• Forklaring av symtom og av evt. symptomar, diagnose og prognose
• Årsakar til sjukdommen eller tilstanden
• Kva slags behandling som blir gitt og varigheit av behandlingar
• Korleis den føresette vert vareteken
• Konsekvensar av tilstanden for den føresette, barnet og familien
• Moglegheiter for evt. besøk og korleis dette kan gå føre seg

Barn som pårørande kan ha behov for følgande informasjon om sin eigen situasjon:

• Kven skal vareta barnet framover
• Normale reaksjonar hjå barn når vaksne er sjuke
• At barnet ikkje har ansvar for å hjelpa den vaksne med å bli frisk
• At barnet har lov til å ha det bra og fortsetta med aktivitetar dei likar, sjølv når den vaksne har det vanskeleg.
• Kven veit om familiens situasjon og kven kan barnet snakka med

Kven:

Alle som har brukarar/pasientar som har mindreårige barn