I situasjonar der barn og unge har behov for hjelp, nyttar kommunen elektronisk stafettlogg som verktøy. Stafettloggen sikrar dokumentasjon, samarbeid og god framdrift i hjelpearbeidet.

Kva er stafettlogg?

Stafettlogg er ei elektronisk loggbok for barnet/ungdomen der ein har oversikt over:

• alle iverksette hjelpetiltak
• alle involverte personar
• alle avtalar som er inngått
• kva offentlege tenester som er involvert i hjelpetiltaka og kva oppgåver dei har

Det opprettast stafettlogg når forelsdre/føresette og/eller barnet har samtykka til det. Det er foreldre/føresette og/eller barnet som eig stafettloggen og bestemmer kven som skal ha tilgang.

Korleis vert ein stafettlogg oppretta?

Barnehagen, skulen eller andre må opprette stafettloggen. Foreldre/føresette og andre aktuelle tenester/personar vert deretter invitert inn gjennom ei lenkje dei får tilsendt. Pålogging skjer via ID-porten. Ein kan logge inn i stafettloggen på PC, mobil og nettbrett. Stafettloggen og innhaldet i den utarbeidast i samarbeidmøter med foreldre/føresette/barnet og dei andre aktuelle deltakarane. Den fagpersonen som er “tettast på” familien er den som får rolla som stafetthaldar.

Kvifor er stafettlogg nyttig?

• At foreldre/føresette og barnet sjølv vert innvolvert i oppfølginga av barnet.
• at det så tidleg som mogelg jobbast med utfordringane/vanskane barnet har
• alle som er involvert i arbeidet med å hjelpe barnet får den samme informasjonen
• det skal bli klart kven som skal gjere kva – at alle planlagde tiltak vert gjennomførte.
• barnet, foreldre/føresette har oversikt hjelpetenestene og kven som er involvert i arbeidet kring barnet
• at tiltak fortløpande vert evaluert slik at hjelpa vert mest mogeleg tilpassa den enkelte
• at det utpekast ein stafetthaldar som skal vere familien sin kontaktperson og syte for at aktuelle samarbeidsmøter/evalueringsmøter vert gjennomført.

Kva er ein stafetthaldar?

Ein stafetthaldar er familien sin faste kontaktperson og er den som skal ha ansvaret for å kalle inn til samarbeidsmøter og for at alle involverte i samarbeidet nyttar stafettloggen aktivt. Stafetthaldaren nyttar stafettloggen til å kalle inn til møter og til å dokumentere det ein har blitt einige om i møtene. Foreldre og ungdom over 15 år har heile tida oversikt over kva ein har blitt einige om og kven som har ansvar for kva.