Når skal ein opprette stafettlogg?

Her finn du innlogging til stafettlogg

• Når ein tilsett og foreldre har fått ei bekymring/uro
• Ein har diskutert uroa/bekymringa
• Når ein bestemmer seg for å setje inn tiltak rundt barnet

Ein stafettlogg opprettast allereie på nivå 1 i handlingsrettleiaren

Korleis vert ein stafettlogg oppretta?

Barnehagen, skulen eller andre må opprette stafettloggen. Foreldre/føresette og andre aktuelle tenester/personar vert deretter invitert inn gjennom ei lenkje dei får tilsendt. Pålogging skjer via ID-porten. Ein kan logge inn i stafettloggen på PC, mobil og nettbrett. Stafettloggen og innhaldet i den utarbeidast i samarbeidmøter med foreldre/føresette/barnet og dei andre aktuelle deltakarane. Den fagpersonen som er “tettast på” familien er den som får rolla som stafetthaldar. Ein kan klikke her for å finne ei praktisk oppskrift på korleis ein oppretter stafettlogg og digitalt samtykke

Kva betyr det å setje inn tiltak?

• Når ein eller fleire tenester gjev ekstra støtte og hjelp for å hjelpe barnet i ei kortare eller lengre periode.
• I stafettloggen skal ein gjere det tydeleg kven som skal gjere kva (tiltak) i dei ulike tenestene som er knytt til oppfølginga av barnet. Det er også viktig å gjere tydeleg korleis dei i heimen skal følgje opp.
  • Er det behov for å kople på andre samarbeidspartnere må dei inkluderast i stafettloggen.

Kva er og kven skal vere stafetthaldar?

Ein stafetthaldar er familien sin faste kontaktperson og er den som skal ha ansvaret for å kalle inn til samarbeidsmøter og for at alle involverte i samarbeidet nyttar stafettloggen aktivt. Stafetthaldaren nyttar stafettloggen til å kalle inn til møter og til å dokumentere det ein har blitt einige om i møtene. Foreldre og ungdom over 15 år har heile tida oversikt over kva ein har blitt einige om og kven som har ansvar for kva.

• Ein stafetthaldar er den som tek initiativ til å opprette stafettloggen og som samordnar oppfølginga kring barnet.
• Vedkommande har stafettpinnen heilt til ein har avklart kven andre som evt. skal ha den.
• Det er naturleg at det er nokon som er nær barnet som har stafettpinnen.
• Når oppfølginga endrar seg kan det vera behov for at andre overtek stafettpinnen. Det må gjerast i samråd med barnet/familien og dei øvrige tenesteytarane.

Kvifor er stafettlogg nyttig?

• foreldre/føresette og barnet sjølv vert innvolvert i oppfølginga av barnet.
• at det så tidleg som mogelg jobbast med utfordringane/vanskane barnet har
• alle som er involvert i arbeidet med å hjelpe barnet får den samme informasjonen
• det skal bli klart kven som skal gjere kva – at alle planlagde tiltak vert gjennomførte.
• barnet, foreldre/føresette har oversikt hjelpetenestene og kven som er involvert i arbeidet kring barnet
• at tiltak fortløpande vert evaluert slik at hjelpa vert mest mogeleg tilpassa den enkelte
• at det utpekast ein stafetthaldar som skal vere familien sin kontaktperson og syte for at aktuelle samarbeidsmøter/evalueringsmøter vert gjennomført.

Når skal stafettloggen avsluttast?

• Stafettloggen kan avsluttast når tiltaka har ønskt effekt og/eller når barnet syner god trivsel og utvikling.